Chamdi

chamda chamdi
daam mein damdi
jism ki bikri
waah befikri

apne bulbuley
soney mein tuley
dil mein neem ugey
munh mein mishri

bachpan pachpan
jee ki tadpan
sabka mol hai
paisa gol hai

ghumta firta
har jaib mein girta
imaan mein halka
bhaari tol hai

kisi maa ki behen ki
haalat kyun sahan ki
kya yahi padha tu
hua yunhi bada tu?

dimaag bhara hai
na dil hara hai
soch zara yeh
kahan khada tu

zindagiyon pe jeete
daanavon se peete
khoon khoob hein
yeh jo mehboob hein

bulbulon ko fodo
ab udna chodo
zameen chodke
sab ore doob hai

har jaan bikey jo
anjaan dikhe jo
na farak tumhe ho
ho baat yeh bisri

chamda chamdi
daam mein damdi
jism ki bikri
waah befikri