'Naya'...fir socho.

Log kehte hein naya likho
Duniya se jara alag dikho
Naya kahan se launga mein
Ya fir kuch ab ugaunga mein
Aur naya bhi aye toh farak hi kya hai
Soch vahi hai vahi nazariya hai
Naya hai kya yahan koi na jaane
Sapekshta ki duniya mein firte diwane
Dhaalna cheezon ko naya kahan hai
Banana ho toh kuch naya hai
Par naye ko toh fir paribhashit hi yun kara hai
Naye tareeke se dhaalana hi naya bana hai
Bhramman mein hi yun toh naya kya hai
Ek se doosra, doosre se bana teesra hai
Theek hi hein fir toh mulya humare
‘Naye’ ke liye haath-pair kyun maarein
Aur naye ka dum bharna bhi kya fir sahi hai?
Kya sabit karne ki humein padi hai?
Farak kya pad jayega maan lene se
Naya nahi kuch, yeh jaan lene se.
Rachna, huh... rachnakar hum hein?
Kyun na adhe jhoot chod poore sach ka dum lein.
Humein kise jawab dena hai
Kab tak ‘naye’ ke naam pe dhaalte rehna hai.

Bhoole Palchin.

lamhon ki gujarish pe
kuch jasbaat baras gaye
kuch rom sarabor huey
baki saare taras gaye
samay ke haathon ne dheel di
toh kai lamhe nikal gaye aage
choona chaha humne bhi
lagta hai hum dheemein bhage
khayalon ki pagdandiyon pe
chale dhoondhne kuch mukam purane
dhundhlaye raaston par mili
kuch muskurahatein, thode aansu,
chehre jaane-anjaane
arse baad dil num hua
laga ki jaise bharam hua
madhdham si yadon pe
bhavo ka aaj charam hua
inhi bhavon ke sailab mein
aaj thoda rum gaye
palon ke chakravyuh mein padke
aaj hum tham gaye
mann ko khushi ke thaske lage
toh naino ke patr chalak gaye
kuch rom sarabor huey
baki saare taras gaye.

Poor man's haal-e-dil.

i love you?
do i love you?
i don't know
if i do.
i don't know what love is.
can someone help me out please?
i am a simple man
what to say
leading life in a simple way.
my emotions are simple
my expressions basic
i use nice for what's good
and bad for tragic
i don't know if i love you.
do you think i do?
i surely do care about you
and never want you sad.
my heart doesn't cry
but it does feel bad.
love to see you smile
and that twinkle in your eyes.
the pigs don't fly
but i do feel nice.
you are special to me
i don't know if you know.
i feel it good
don't know how to show.
all those coincidences
weren't all coincidences you see.
that wasn't my favorite restraint
had already seen that movie.
i can't remember b'days
but your's i do
i swear i would have canceled all my plans
just to say hi to you.
is that love?
someone tell me.
am in sort of a difficulty.
i mean you mean a lot and a lot to me
fingers crossed, am hoping that you see.
i don't think of you throughout the day
seriously, i don't.
but the day won't end without us talking
it just won't.
remember me being rude?
m sorry sweety.
but i wanted you to worry more about yourself
and less about me.
i just want you to be happy
and may you get all that you desire.
of all the things that surround me
you ,my dear, are prior.
you asked me if i loved you
and i couldn't say.
i wish you had asked more
before you walked away.

Khabardar.

khabardar. khabardar.
mein hoshiyar. mein hoshiyar.
mujhe hai tumse zyada gyan
meri tumse yehi darkar.
mere pass bhi hai lekin
gyan ka sagar aprampar.
kya tumhe pata yeh
kya tumhe pata voh.
tumhe hai kahan pata
mujhe pata jo.
murkh moodh tum karne chale
mujhse kaisa mukabala.
bauraye gadhe ho tum
kya jano mein hun kya bala.
kar mein sakta hun jo
tum kya khakh kar paoge?
mere hunar ko dekh
tum pani bharte nazar aoge.
kaun mahan? kaun mahan?
bolein shriman.bolein shriman.
tumse tumse mein kya bolun
kya pitara mein ab kholu
kaun hai sab kuch janta yahan pe
ya khud ko kam hi manta yahan pe
jante ho dono kuch khas
chahta mein bhi mere paas
mahan nahi kuch uchch nahi
Gyan hai Gyan. kuch tuchch nahi.

Kashmakash.

Dil mein ek khayal aya toh tha
meine bhula diya
Jagi thi ichcha bhi firse
meine sula diya

Zinda hun toh sirf isliye
ki murda ban na nahi chahta
Marna chahta hun kyunki
zindon ke beech raha nahi jata

Har khushi har gam
sab pa-kho chuka hun mein
Khoob hasa hun jhundon mein
khoob akela ro chuka hun mein

Sadiyon tak jaga
yugon tak so chuka hun mein
Nirarthakta se bhari is sarthak duniya se
kuch bore sa ho chuka hun mein

Jisme dekh sakun khud ko fir se
aisa ek aaina bhi nahi milta
Bemani bhikhri zindagi ka
koi mayna bhi nahi milta

Vahi suraj sangi din
chand sangini raat hi toh hai
Vahi purane log
vahi purani baat hi toh hai

Mann ka kya hai
lagaunga toh lag hi jayega
Par nasamajh yeh nahi samjhega
ki saath toh kuch nahi jayega

Kya janmon ke karm, svarg aur nark
kisne kya dekha hai
Khokhle sitare, kundaliyan sari
kya hathon ki rekha hai

Inko dekh kuch badal sakta
toh kya badla nahi hota
Kyun log marte, bura bhala karte
kyun kabhi koi bhi rota

Sab kehne ki baatein hi toh hein yahan
kaun sarvgyani, kya sarvoch sach hai
Bas bane hi kuch aise hein ki jiye ja rahe hein
jeene ka jo lalach hai

Bhagvan ke diye is lalach ke chalte hi
jeeye ja raha hun mein
Aur 'bhagvan kaun?' yeh sawal bhi mann hi mann
kiye ja raha hun mein

Vaise dukh nahi mujhe koi
par khush bhi nahi hun mein
Chahta toh nahi kuch aur
magar santusht bhi nahi hun mein

Paribhashaon mein buni is duniya se
apekshayein aur kya karna
Har arth anarth ban jaye toh
cheezon pe gaur kya karna

Jeevan maran se toh mera
kya rishta kya nata
Par jeene ka lalach chod sakta
toh thoda aram mil jata.

Maa.

uske anchal ki chanv mein aaram milta tha
roj pyar vala ek naya naam milta tha
shaitaniyon ko dular ka inaam milta tha
yaad aati hai vo god vo thapke vo lori
jahan dinbhar ke thake mujhko mera mukam milta tha

har subah uski mujhe tayyiar karne mein jati thi
mere vapas ane tak voh raste pe nazarein bichati thi
poori ruchi se din sunti vo mera, muskurati thi
chot lekar ata tha kabhi to dant ti zarur thi mujhe
par dekha tha kankhiyon se meine uski bhi aankh bhar aati thi

roothta jab kabhi mein vohi mujhe manati thi
dost banke khel khilati teacher banke padati thi
nayi nayi kahaniyan har raat mujhe sunati thi
bimar pad jata agar toh duniya hi palat jati thi uski
sula kar mujhe sari raat sirhane bita ti thi

haan, yaad aati hai maa teri har baat
yaad ata hai sir pe tera ferna haath
num hoti hein aankhein meri ab har sooni raat
aaj kehne ko toh sab paas hai mere
bas nahi hai toh teri mamta ka saath

ek baar maa, bas ek baar toh aaja
thak gaya hun mein mujhe fir god mein sulaza
fir mera sir sehla fir koi lori sunaja
ulajh sa gaya hun duniyadari ke janjalon mein mein, maa
bol mujhe sab accha hi hoga, aa meri uljhan suljha ja.

Diya

mitti ka diya jal raha hai chokhat pe
usi se prakash hai
par bhujna toh uski niyati hi hai
thodi chandani chalak ke khidki se ayegi par;
mujhe vishvas hai
yeh vishvas hai toh akhein khuli hein meri
niharti cheezein jo aas paas hein
varan band hi kar lun inhe
andhkar hi toh hai agar na vishvas hai

vishvas umeedon icchaon mahatvakanshaon mein bandha mein
kabhi us andhere mein jhankne ki koshish hi nahi karta
shayad usi mein koi shashvat diya ho
jo mil jata, toh mein kabhi andhkar se na darta
par darta hun; insan hun na, bhagvan nahi
ya ki mein bhi bhagvan hun, bas mujhe gyan nahi
anbhigya mere andar ke diye se dhoondta bhahar mein ujala hun
par kya ki mein utar gaya andar, mila andhera, kho gaya mein
insaan hun, chokhat ke diye pe hi vishvas rakhne vala hun.

Kavi mein nahi.

Tees hoti hai toh likhta hun
Apne shabdon mein dikhta hun
Kavi mein nahi padhne vale hein
Jinhone shabdon mein arth dale hein
Mein toh unhi se seekhta hun

Baat toh jagjaani karta hun
Sirf shabdon ki manmani karta hun
Chahta hun logon ka dhyan mein thoda
Isliye dhindhora peet ta hun
Tees hoti hai toh likhta hun
Apne shabdon mein dikhta hun

Tooti ummeedon ka mara hun
Naa sudharti duniya se hara hun
Par kahan manta hai maan insan ka
Toh apne shabdon mein hi jeet ta hun
Tees hoti hai toh likhta hun
Apne shabdon mein dikhta hun

Dhol ki pol toh kholta hun
Kuch bhala toh kuch bura bolta hun
Dolta hun mein bhi dolti duniya ke saath
Shabdon pe akar tikta hun
Tees hoti hai toh likhta hun
Apne shabdon mein dikhta hun

Na praja hi koi na taj hai mera
Meri duniya pe par raj hai mera
Shabdon ko lein toh ameer hun sabse
Yun toh kaudiyon ke daam bikta hun
Tees hoti hai toh likhta hun
Apne shabdon mein dikhta hun

Yeh duniya yeh log, kshanbhangur saare
Fir bhi zyada ki chahat mein pareshan bichare
Chinta na karein meri nishchinta dekh
Mein toh kavi hun, pal pal banta aur mit ta hun
Tees hoti hai toh likhta hun
Apne shabdon mein dikhta hun

Kavi mein nahi padhne vale hein
Jinhone shabdon mein arth dale hein
Mein toh unhi se seekhta hun

Mein???

sadhu bhi shaitan bhi mein hun
mrityu bhi aur jaan bhi mein hun
na jane hai mujhko koi
aur sabki pehchan bhi mein hun

ant aur shuruaat bhi mein hun
bhor sandhya aur raat bhi mein hun
kaan fadta sannata mein
boli hui har baat bhi mein hun

prithvi mein akash bhi mein hun
tripti mein aur pyaas bhi mein hun
todne vali nirasha hun mein
jodne vali aas bhi mein hun

sadgun mein har dosh bhi mein hun
hansi bhi mein aur rosh bhi mein hun
maan mein samati shanti hun mein
dil dehlata akrosh bhi mein hun

haar bhi mein aur jeet bhi mein hun
ari bhi mein har meet bhi mein hun
tan jhulsati garmi mein hi
khoon jamati sheet bhi mein hun

sheetal jal ghatak aag bhi mein hun
hans bhi mein aur kag bhi mein hun
mat maili ghrina toh hun mein
saf suthra anurag bhi mein hun

mein bhi mein aur tum bhi mein hun
mila hua aur gum bhi mein hun
maan mauji mastana hun mein
aur sada gumsum bhi mein hun

kuch nahi par sab kuch hun mein
mithya hun par sachmuch hun mein
samay, soch, bhagya, bhagvan
aisa kuch ya aur uchch hun mein

Do Chai Bolna.

chai ki chuski
hmmm kya baat hai uski
susti se narazgi
bhar jaye tazgi
aankh khol de
mithas ghol de
sust subhon mein
sard raaton mein
pyalon pe hoti batein
baaton mein beeti ratein
gappe marte yar
ya baarish mein unka intzar
andar tak samati mehek
rom rom jata jaise chehek

cutting, special, kadak, masala
jaisi pasand vaisa pyala
daam kum zyada kaam
tanav mein deti aaram
ubaasi chuae naye aayam
yaad ata chai ka naam
yaar thak gaya hun mein bhi
mushkil ho raha hai aankhein kholna
iccha toh hai tumhari bhi
chalo yaar do chai bolna.

India mein Bhartiya criticize huae.

globalize huae
kuch mobilize huae
western culture se hypnotize huae
bharatiya hona hi bhool gaye
hum itne americanize huae
ab lelein bat is so called hindi kavita ki
jahan jamke english shabd utilize huae
par kya karein
badalte india aur mit te bharat ko dekh
khayal kuch yun hi synthesize huae
pet badh gaya health ghat gayi
kuch aise motorize huae
paisa paisa japte stress mein khapte
aye din log hospitalize huae
fast food ke chatkare lete hum
wahan yoga ke asan analyze huae
namaste sun ne ko kan taras gaye
jabse hi-hello prioritize huae
world wide web ko hi world samajh liya
is tarah computerize huae
wtc ke attack ko lekar toh sare sympathize huae
par khud ke desh mein
bethe hein lakhon apno se terrorize huae
kitabon ka daman chod desh ke nayak
bade parde pe picturize huae
thode hi actualize
jyada toh dramatize huae
krishak ko chod krish ke kisse
jab gyan ke mapdando mein finalize huae
tab 1947 ke mahatv ki jagah ak-47 ke features
aaj ki pidhi ko recognize huae
dukh toh hota low waist mein waste hoti apni santano ko dekh
par afsos, bhag-daud mein uljhe un becharon ko
patan ke yeh lakshan kahan realize huae
globalize huae hum
kuch mobilize huae
Afsos, India mein Bhartiya criticize huae.

Adhi Sampoornta.

Yeh adha adhoora din
adhoori si raat
adhoore khayal
adhoori har baat
adhmana maan
adhchala taan
adha sadham adha adham
har kaam adhkara
insaan adhmara
adhoorepan mein jane kya dhoondta
dekhein toh dikhti hai adhi sampoornta.

be my umbrella.

i wait for you to come back
come and see what i lack
lend me a shoulder, am sad
be my umbrella, rain's bad.

A Journey To Beloved's Home.

Started for the journey in the train
It was midnight with showers of rain
Destination was far n long long way to go
Yet no sign of worry on my face,to show
There was a least sound n it was pitch dark
The engine whistled,as if mimickin a lark
Lost in the heaven of love n glee
I was makin plans to please n surprise thee
Overwhelmed with her thoughts in my mind
I was still sad to find home left behind
Then I got alarmed by a sudden peculiar noise
Which became even more strange,added to my mom's voice
Noise was of alarm clock showin morning at seven
N I cud find nowhere my luv or that heaven
Ya,it was a dream.But wht a dream it was.
Just unforgetable,dont know for wht cause.
Still smiling of the experience I went thru
I pray to god if tht journey cud cum true.

The Blood.

Running thru my veins
Is the blood,red and warm.
And so is of others around me.
Still I see a thirst for it.
Still bloodshed.
Still.
Why cant they see,
That what they they want is what they already have.
And what they'll end up gettin is what they wud never want.
Never ever.
You come with nothing

And nothing goes with you as well.
It has never occured n will never occur.
So where does your quest for power lead you?
Nowhere.Seriously.
But it sure does lead your children somewhere.
N that is a dark future .A future where jungle law prevails n humanity trails.
There has never been a winner.None.
Can't u see there's no end?
It has been there for ages and will remain for centuries,
If you dont stop.
People is what matters.
With all the wealth in the world with you and no people,no 'humans',
You can imagine how happy you wud be.
You still have time,think about it.
No one lasts forever, atleast let the peace be.
Try for once,helping a poor,smiling to a child, takin care of the old and the helpless.
The blood.
I know it boils at time.
Mine does too.
But there are better things to do,
With the heat in you.
I dont say dont fight,u at times have to, n u shud.
But fight against vices, fight to save lives n not to take them,fight against the devil in you,
Fight keepin ur selfish self aside.
You'll be d most contented one. Trust me.
Look within for answers n your heart will guide u,
As it pumps the universal spirit in u.
The blood,red n warm.