Not A Lot I Want.

i don't wana watch a movie
i don't wana play a game
not a soul i wana call
a hard on is not my aim
what i want is not a lot
see some people
maybe share a thought
flowing wisdom aint needed
random bullshit shud suffice
even words not required though
i shul feel the conversation
when i shut my eyes
gimmi a chance to read a face
i might be gud at it, who knows
let me have few in me
and myself in many other shells
let me see what your mind shows
no give and take here
not asking for a hand
i don't even need to know you
forget being your friend
you just be you
and let me be me
let the world be what it is
let it all be fluid
as we deluge for eternity
i wana question
what's in the knowing
thereby seeking an answer
thus trying to know
i'll fall prey to the challenge itself
with numerous contradictions flowing
but i don't want to know
just be
one with what wants to come along
coz i m tired of getting stuff
from places universes apart
travelling rough roads too long
i want my desires fulfilled
but i dont pray
what's the harm
many wud aptly say
mayb m just too lazy too hazy
too desiring to pray
THEY should take my desires as my prayers
shouldn't THEY?
maybe this is what middle of nowhere is like
there's no world is my sight
no sounds against silence
no dark against light
as i have what i wanted
i yearn now for what i need
i'll be honest about my flaw though
i still want n want more
as grief embraces my greed.

Tu aaja gaanja maar le

behosh is poori duniya mein
thodi besudhi udhaar le
gar duniya ne khoob maari hai teri
tu aaja gaanja maar le

bhaari ban dhas jaa zameen mein
kabhi hawa pe ho sawaar le
ud pohonch jahan kahe mann
tu aaja gaanja maar le

dhun pe aankhein moond ke apni
naye rangon ka sansaar le
indradhanush bhe feeka lagega
tu aaja gaanja maar le

pighalne ka mazaa utha
khud mein khud ko utaar le
khud se milna hota hi kab hai
tu aaja gaanja maar le

hansi mein apni kho jaa aaj
akaaran khushi ki bahaar le
dil khol ke hans le duniya pe tu
tu aaja gaanja maar le

chod de khud ko aazaad kabhi toh
kabhi toh khud se haar le
jeetega nayi duniya poori
tu aaja gaanja maar le

andhere kamrey mein kho ke pyaare
chamkeeley sapne sanwaar le
bezuban sannatey ki
batein sun hazaar le
kaan khaati duniya mein
pal sukun ke chaar le
thoda thoda pyaar de
thoda thoda pyaar le
tu aaja gaanja maar le

Bas Isiliye Sota Hun

kalpana ki kalam ko keechad ki syahi mein dubota hun
achchi cheezon ka bura sochne ko sota hun

din-bhar ki achchai ko raath ke andhere mein khota hun
mann ki duniya rachne, mann-maafik karne ko sota hun

aankhein moondne tak ek chonga sa pehne hota hun
kenchuli utaarne, fann sawaarne ko sota hun

sapno ki ganga mein apne punyon ka mael dhota hun
sehan sagar ki sair karne ko sota hun

poore din dukhi, mein hasta hun,
raat khushi mein rote hun
vilaap utsav manane, anant shok jagaane ko sota hun

khuli aankhon yun toh saari duniya dhhota hun
thoda sukun paa jaaun, duniya se dhhua jaaun, sochke sota hun

ab mein achcha nahi toh kya karun
kab tak shrishti bhar se darun
toh din mein safaid jhooth,
raat mein kaaley sach ke beej bota hun
khud ko khud banne de paun
khud se milkey reh paun
sapno mein astitva pirota hun
bas isiliye, isiliye mein sota hun.

Mein.

aksar log poochte hein
ki tu jo yeh kavitayein likhta hai
kya unmein tera hi aks dikhta hai
kya tujhse bani hein sab
tujhmein se jani hein sab
mein kehta hun
ki kuch prernaon ki lekhi bhi hai
fir duniya dekhi bhi hai
par aaj is rachna mein mein hi mein hun
toh duniya se maafi chahunga
socha khud ko khuredun thoda aaj
toh marham aaj kaafi chahunga
toh chalo rosh raag alaapta hun
khud ko khud se naapta hun
mein bhagta hun
shaam tak bistar todta hun
raat bhar jaagta hun, mein bhagta hun
bhagta hun mein duniya se
ya kahein ki meri iski samajh se
bhagta hun mein mujhe vaaron se bachaane vaale
har ek kavach se
mein jaan se bhagta hun
anjaan ko taakta hun
raat bhar jaagta hun
mein sawalon ko sun
jaawabon se bhagta hun
mein pankhudiyan chura
gulaabon se bhagta hun
is duniya se thak
duniya mein hi bhagta hun
khud mein bhaag
thak ke haanfta hun
mein.
mein mein ban-ne se, tum ban-ne se bhagta hun
mein chanchal, gum-sum ban-ne se bhagta hun
mein kaam se bhaag aalas bant-ta hun
khayalon-khwabon ki fasal kaat-ta hun
mein kabr mein baitha haath taapta hun
kokh mein kaanpta hun
mein niyamon se bhagta hun.
mere sadhu aur shaitan dono ke talwe chat-ta hun
bhagwan ko hal pal danta hun
mein thakta hun, par kahan haarta hun
mein fir bhi bhaagta hun
jaane kyun sooraj tyagta hun
chaand ki bhavnayein bhaanpta hun mein,
bhagta hun mein.

Zindagi O Zindagi.

zindagi o zindagi
tu khushnuma bani hai
ya gamgeen ho gayi hai
ab toh din se raat todti rekha
bhi maheen ho gayi hai
aaj mann mein aya ki
khud ko banate sawalon se jhoojh hi leta hun
aalas-mehnat se thaka, tujhse jawab pooch hi leta hun
toh bata mujhe kya dun tujhe
ki muskuraye fir tera chehra
tujhe bhool khud mein uljha
mano hun mein kisi chamatkar ke liye thehra
kshan ghanton mein, ghante dino, aur din maheeno mein
tabdeel ho rahe hein
aur hum hein ki khud hi ko thanthas bandhate
roz khud hi ke haathon zaleel ho rahe hein
din raat sochte hein ki khaali waqt ki kamna
kaun log karte hein
yahan lamhon ki sena ke raunde jaane se
hum har peher marte hein
lakshya heen is jeevan ka kya abhipray hai
kya yeh hi mera jeevan hai ya uska bas ek adhyay hai?
ek ishara bhar hi dede ki tere liye kya karun
ram banke vanvaas chalun ya rawan ban seeta harun?
tadke subah baitha mein neend se roothi aankhein liye
mere saath yeh atpatey proyog tune kiye toh kyon kiye?
girake chalna sikhana toh halanki kahan mana hai
par bata mujhe kya kabhi aate se bhi genhu bana hai?
itna bhi mat pees ki tujhe mein milun bhi na satane ko
mein hi maun ho gaya toh kise dhoondhegi batiyaney ko
mujhe pata hai ki tu na boli hai na bolegi
kya pata kab tak meri besabri ko ummeed se tolegi
yeh sawa che ki subah bhi acchi hai
yeh hi ban ja na
ya kyun bani padi hai ek khali sapne si
mujhko samjhana
kuch samay nikaal bhi le ab thoda
purane palon ki khatir hi sahi
likh korey panne pe jo mein karun vahi
varna jaa aur reh jo ki tu likhi gayi hai
aur mein tujhmein hi tujhe dhundhta-poochta rahunga
milunga tujhse kismat mein hua toh
varna yun hi kisi din raakh bana kisi nadi mein jaa bahunga.

Aaj Ka Manav.

Sikudte kamre mein apni sikudi duniya liye baitha hun
Ab toh jeevan se mrityu tak, mrit hi dikhayi deta hun
Swayam ko pinjre mein daal, mein apne jaanwar ne nyay nahi karta
Ghira hun khud hi se har pal, par swadhyay nahi karta
Prakrati badalti hai, hrituein badalti hein, mein sirf budhata hun
Kuch aawazein bahar ki andar aati bhi hongi shayad,
Par khud ke hi shor mein kho sa jata hun
Mere liye mein bhi mein hun, aur tum bhi mein, chalti toh poora brahmaan hi mein ho jaata
Sochta hun ki khud ko gyaat hun mein, toh agyaat mein nahi
Varan agyaat bhi mein ho jata
Karan hai, ki kyun maa prithvi ke liye mere saare darwaaze bandh hein
Mere sikudte kamre mein, jiska ki aadi hun mein aisi, mrit koshikaaon, vastu mahan,
Aur har kshan girti meri laash ki voh gandh hai
Hey manu tu dekh tera putr kitna tikshn ban gaya hai
Uske liye maano prakrati ka har chakra tham gaya hai
Manu tu nikla tha bandh baserey chod duniya ki khoj mein
Mujhe dekh, mein maha Ganga ko bhi thappedar botlon mein pee raha hun
Mein aaj ka manav hun manu, aaj ka manav,
Mein duniya ko hi bandh kamron mein jee raha hun.

Maun Raho.

aam shaam mein hua dhamaka
hakka bakka har koi bhaga
pata chala fir vaar hua hai
maan desh ka taar-taar hua hai
muththi bhar ne aatank machaya
kuch surakshit nahi humein bataya
bebasi pe sharm kam na thi
rakt vahini bhi garm kam na thi
dil num sa tha khakhi ko khoon mein sana dekh
ek goli ki rifle ka AK se samana dekh
bijli, petrol bachane mein dhyan logon ab tak kum gaya tha
par vyang dekhein vidhi ka, ab bhay se bombay tham gaya tha
NEWs valon ne bhi khud ki badai ka mauka kahan chodna tha
Netaon ko bhi vipaksh ki reedh ko todna tha
ek shabd toh fir har kisi ne, dua ka bola hi hoga
nirdosh lahu behta dekh, khool sabhi ka khaula bhi hoga
fir jeet mili, sekdon lashon pe chalke
shahidon ki kurbaaniyon pe ashk bhi kai chalke
ab yeh jeet bhi kitni jeet hai sab hi jaante hein
kal bhi dhamaka ho sakta hai hone ko, sab hi maante hein
sawal anginat hein mann-mastiksh mein sabke
bhool baithe hein jinhe, pratyaksh ke shor mein dabke
sab gyan dikhana, aakrosh jatana chahte hein
milke sabhi mombattiyan jalana chahte hein
par prateekvad bhi fir koi hal hai
jab samasya itni viral hai
shhhhhhh....chup karo, ab mat kaho
itne saalon ki tarah bas maun raho
jahan itne saal vahin kuch der aur sahi
urja ki barbaadi bhi hogi nahi
par antar hai is maun mein logon
bolo mat par soch na roko
socho socho samay lo chahe
yojna par hum aisi banayein
ki lakshya tak pahocnne ki tayyiyari se niklein
na vapas ghoomein, na girein, na fislein
bachpan se buraiyon pe bol bol ke thak gaya hun
ab kuch samay mein maun hi rahunga
jab naya kuch hoga kehne ko paas mere
naye kal ke liye, us din seena thok ke kahunga
varna maun hi rahunga...maun hi rahunga.

Sard subah aur School bus.

bhaari sa basta blazer pe tikane ki koshish karte
blazer ke button khule, tie latki, bhahen chadhi style marte thand mein marte
tadke subah dhundh mein bus stop pe vicharte
ek saal badi senior ko dekh ke aahein bharte
hum school bus ka intezaar karte the

schooli kaydon se toh bhali-bhanti vakif the hum
par stop aur class mein achchi ladkiyon ki sankhya thi kum
toh marta kya na karta mann bechara bana besharm
baat ka koi chor toh mile, itna sa par reh jata tha gum
pehli hi sidhi pe fisalne se darte the

yahan dil liye baitha tha kitne hi armaan
vahan voh yeh na keh de, jaan na pehchan mein tera mehman
kehte the khud ko soch kuch toh bus aane se pehle budhdhiman
pandrah minute baad agli subah tak rahoge varna fir anjaan
sardi se akade huae humare lab bhi bas 'hi hello' pe thaharte the

hothon ko gol kar fukne valon ki tarah dhuan udana bhi achcha hi tha
bada stylish lagta tha mujhe toh, aakhir mein bhi bachcha hi tha
voh kya sochti thi pata nahi par mera prayatna sachcha hi tha
vaise bhi sochte the hum ki milna toh humein gachcha hi tha
aur cigarette ki style toh isliye ki hum din raat TV jo charte the

dhundh se pare har bus ki chamakti roshni mann baitha jaati thi
'aaj toh baat kar nalayak' dimaag mein yahi baat aati thi
kabhi kabhi do kadam badhane ki takat aa bhi jaat thi
par voh dekhti jais hi humein toh kabhi baste mein kuch kho jata toh kabhi lace khul jaati thi
mand muskaan uski khoob samajhte the

khatam hone aayi sardi parikshaon ka samay ho chala tha
humne toh svikar liya tha ki humara bhagya hi khokhla tha
duniya bhar mein padhai ko lekar ho hulla tha
yah prem shastra toh chodo aur kuch bhi nikle toh bhala tha
pitaji ke badey haath ki kalpana kar bhi siharte the


umeedein toh chod chuke the ab bas chootne hi vali thi vardi
dimag mein badhti jaa rahi thi teji se vaicharik gardi
humne socha chodo ab alag shifts mein chadoge yun bhi tum agli sardi
tabhi prabhu ko hui humse tanik humdardi
aakhir pooja paath kar hi sawarte the

thand ko pankh se lag gaye ek haath kandhe par jo aya
hum palte, khud ko chimti kaati, isi duniya mein paya
aasmani us apsara ne humari ore madad ka haath badhaya
pichle saal ki 'pariksha bodh' lene ghar pe humein bulaya
fir hum nachte the, gaate the, uchalte the
jab hum school bus ka intezaar karte the.

Insaan Rote Hein.

kya burai hai rone mein
bure khayalon ko aansuon se dhone mein
sab theek hoga sab kehte hein
yeh toh hum bhi jaan ke baithe hein
par tab tak kya kare insaan bechara
kya galat hai lena kuch aansuon ka sahara
filhal toh koi vajah nahi muskurane ki na
toh kya khali chehra liye bas ghumte rehna?
fir abhi hai samay toh thoda ro hi liya jaye
itna bura bhi hai kya rona zara humein batayein
aye toh the sab hi rote huae
fir roye kai baar cheezon ko paate-khote huae
toh itni badi kya baat hai ki roya hai koi
bas ek aur kriya hi maan lo, jaise chalta, gaata, soya hai koi
insaan rote hein. insaan rote hein.
fir kyun log aankhon mein aansun roke hote hein
adhura sa mein mehsuus karta hun mein, samsya thodi gambheer
beeta samay hai kafi lekin nahi baha naino se neer
kitna insaan bacha hun mein ek viral prashn ban pada hai
aayine mein pratibimbh mera jaisa pashaan but koi khada hai
kyun na roye koi puchta hai duniya se yeh sawali
jeevan ke is mool bhav ke bina kya nahi yeh jeevan khaali
insaan rote hein. sweekarne mein samajhdari hai
rone se dushmani kar baithi duniya ke dil tabhi toh bhari hein
zindagi ko pura jiyo logon ki sunke adhoori toh na chodo
uska hi abhinn bhag hein aansun tumhare, unhe roke huae bandh ko ab todo
duniya ke liye toh muskurahtein hoti hi hein
khud ke liye bhi toh rakh lo
aankhon se behte namak ko kabhi hothon ke kinaron pe chakh lo
insaan rote hein. insaan rote hein.
shareer pe jami ghutan, tanav, rosh ityadi ki parton ko
aansuon se dhote hein
insaan insaan hote hein
rote hein

Bhor Bhayi...

bhor bhayi, mand pavan chale yun
aanchal tera kheeche hai
suraj masle aankhiyan, chanda
taare aankhein meenche hein
bhor bhayi...

seenkein sawarein aangan saare
os mein barbas lipte hein
kirane jo jhankein zharokhe haarein
sapne aankhon mein simte hein
chidiya aa baithi munderi pe
daane dhundhti neeche hai
suraj masle aankhiyan, chanda
taare aankhein meenche hein
bhor bhayi...

bheeni bheeni maati mann mein samati
pehli jamhai aushadhi koi
tulsa ko paani kisna ko baati
divas ko jaise mili gati koi
pag dhara chuye jab chit dekhe din ab
kal saare choote peeche hein
suraj masle aankhiyan, chanda
taare aankhein meenche hein

bhor bhayi, mand pavan chale yun
aanchal tera kheeche hai
suraj masle aankhiyan, chanda
taare aankhein meenche hein
bhor bhayi...

The Day.

Its one of those days
When you end up thinking
What were you thinking.
You know the days.
Everyone knows the days.
The days when the heart says
Be free.
Be free so that we meet again.
We, you and me.
And you ponder on the various
Possible interpretations of that,
Having interpreted it already.
You are ready to do, god knows what.
But you are ready.
And you think about thinking less.
Then you think more about thinking less.
And so on, till the time you hit the globe.
The globe is powerful.
It wakes you up.
There’s no other choice.
Globe is big. Powerful.
And there you are.
All same.
Except that the hands have
Continued their chase game.
You gain momentum,
And pass some to the day.
You let go of it.
The day will be back soon.
As they say. It’s the day.

'Naya'...fir socho.

Log kehte hein naya likho
Duniya se jara alag dikho
Naya kahan se launga mein
Ya fir kuch ab ugaunga mein
Aur naya bhi aye toh farak hi kya hai
Soch vahi hai vahi nazariya hai
Naya hai kya yahan koi na jaane
Sapekshta ki duniya mein firte diwane
Dhaalna cheezon ko naya kahan hai
Banana ho toh kuch naya hai
Par naye ko toh fir paribhashit hi yun kara hai
Naye tareeke se dhaalana hi naya bana hai
Bhramman mein hi yun toh naya kya hai
Ek se doosra, doosre se bana teesra hai
Theek hi hein fir toh mulya humare
‘Naye’ ke liye haath-pair kyun maarein
Aur naye ka dum bharna bhi kya fir sahi hai?
Kya sabit karne ki humein padi hai?
Farak kya pad jayega maan lene se
Naya nahi kuch, yeh jaan lene se.
Rachna, huh... rachnakar hum hein?
Kyun na adhe jhoot chod poore sach ka dum lein.
Humein kise jawab dena hai
Kab tak ‘naye’ ke naam pe dhaalte rehna hai.

Bhoole Palchin.

lamhon ki gujarish pe
kuch jasbaat baras gaye
kuch rom sarabor huey
baki saare taras gaye
samay ke haathon ne dheel di
toh kai lamhe nikal gaye aage
choona chaha humne bhi
lagta hai hum dheemein bhage
khayalon ki pagdandiyon pe
chale dhoondhne kuch mukam purane
dhundhlaye raaston par mili
kuch muskurahatein, thode aansu,
chehre jaane-anjaane
arse baad dil num hua
laga ki jaise bharam hua
madhdham si yadon pe
bhavo ka aaj charam hua
inhi bhavon ke sailab mein
aaj thoda rum gaye
palon ke chakravyuh mein padke
aaj hum tham gaye
mann ko khushi ke thaske lage
toh naino ke patr chalak gaye
kuch rom sarabor huey
baki saare taras gaye.

Poor man's haal-e-dil.

i love you?
do i love you?
i don't know
if i do.
i don't know what love is.
can someone help me out please?
i am a simple man
what to say
leading life in a simple way.
my emotions are simple
my expressions basic
i use nice for what's good
and bad for tragic
i don't know if i love you.
do you think i do?
i surely do care about you
and never want you sad.
my heart doesn't cry
but it does feel bad.
love to see you smile
and that twinkle in your eyes.
the pigs don't fly
but i do feel nice.
you are special to me
i don't know if you know.
i feel it good
don't know how to show.
all those coincidences
weren't all coincidences you see.
that wasn't my favorite restraint
had already seen that movie.
i can't remember b'days
but your's i do
i swear i would have canceled all my plans
just to say hi to you.
is that love?
someone tell me.
am in sort of a difficulty.
i mean you mean a lot and a lot to me
fingers crossed, am hoping that you see.
i don't think of you throughout the day
seriously, i don't.
but the day won't end without us talking
it just won't.
remember me being rude?
m sorry sweety.
but i wanted you to worry more about yourself
and less about me.
i just want you to be happy
and may you get all that you desire.
of all the things that surround me
you ,my dear, are prior.
you asked me if i loved you
and i couldn't say.
i wish you had asked more
before you walked away.

Khabardar.

khabardar. khabardar.
mein hoshiyar. mein hoshiyar.
mujhe hai tumse zyada gyan
meri tumse yehi darkar.
mere pass bhi hai lekin
gyan ka sagar aprampar.
kya tumhe pata yeh
kya tumhe pata voh.
tumhe hai kahan pata
mujhe pata jo.
murkh moodh tum karne chale
mujhse kaisa mukabala.
bauraye gadhe ho tum
kya jano mein hun kya bala.
kar mein sakta hun jo
tum kya khakh kar paoge?
mere hunar ko dekh
tum pani bharte nazar aoge.
kaun mahan? kaun mahan?
bolein shriman.bolein shriman.
tumse tumse mein kya bolun
kya pitara mein ab kholu
kaun hai sab kuch janta yahan pe
ya khud ko kam hi manta yahan pe
jante ho dono kuch khas
chahta mein bhi mere paas
mahan nahi kuch uchch nahi
Gyan hai Gyan. kuch tuchch nahi.